ҚУТЛУҒ АЙЁМ БАРЧАГА МУБОРАК БЎЛСИН! Эр дуоси элнинг қаддин | BAXTLI OILAM ❤️
ҚУТЛУҒ АЙЁМ БАРЧАГА МУБОРАК БЎЛСИН!
Эр дуоси элнинг қаддин тутиб турар
Яратган ҳам мард саждасин кутиб турар
"Омин" деса шайтон тилин ютиб турар.
Лаъинни гунг- соқов қилсин овозингиз
Мақбул бўлсин, манзур бўлсин нaмозингиз!
Жамоат жам бўлса аҳил жамият ҳам,
Кўпдан қўрқиб чекингай ғам, азият ҳам,
Сиз борсизки, Хаққа суюк раийат ҳам
Эгасиз қолмасин жойнамозингиз,
Тўқсонда ҳам тўлиқ бўлсин нaмозингиз!
Юрсангиз ер гурсилласин полвон болам,
Солиҳ бўлинг, саҳий бўлинг султон болам.
Жоҳилларга ошно бўлманг асло болам.
Илм бирла баланд бўлсин парвозингиз.
Руҳингизга рағбат бўлсин нaмозингиз!
Акам, укам-инимдирсиз бегонамас,
Кимга опа, кимга сингил бўлмоқ хавас.
Дуоингиз ёву ётга метин қафас.
Ёмон кўздан асрар бизни чин розингиз,
Ёмонларни забун қилсин нaмозингиз.
Дунёйи дун омонатдир бегим қаранг
Тинчимизмас, жумла олам тинчин тиланг
Ғофилнинг ҳам иймонини чин - чин тиланг.
Охиратни обод қилсин дил сўзингиз
Қутлуғ бўлсин бу тонг Хайит намозингиз!!!
Муаззам Иброҳимова
Тавсия @JuftiHaloIim
@Baxtli_OiIam — Ибрат, оилавий муҳаббат, бахт ва фарзанд тарбияси ҳақида
