2021-10-13 16:03:04
Қайырлы күн, құрметті бәйге қатысушылары!
Халықты кітап оқуға баулу және жастарда кітап оқу дағдысын жандандыру мақсатында ұымдастырылып жүрген жобамызға қатысып, қолдау білдіргендеріңізге алғысымыз шексіз!
Осы орайда 16 қазан болатын «Тұлға болам 2» жобасының 1-ші кезең бақылау тесті жайлы сұрақтарға жауап бергенді жөн көрдік.
Тест күні, сұрақ саны және уақыты.
Тест 16 қазан күні кешкі сағат 19:00-де басталады:
Ересек және студент тобы: 100 сұрақ, 19:00-19:16 аралығы (16 минут);
8-12 сынып: 100 сұрақ, 19:30-19:48 аралығы (18 минут);
5-7 сынып: 100 сұрақ, 20:00-20:20 аралығы (20 минут);
3-4 сынып: 50 сұрақ, 20 :30-20:50 аралығы (20 минут);
1-2 сынып: 50 сұрақ, 21:00-21:20 аралығы (20 минут).
Тест сұрақтары тек бекітілген кітаптар төңірегінде болады.
1 үйде 1 телефон арқылы бірнеше адам тапсыруға бола ма?
Иә. Тек қатысушылар бір топтан болмауы керек, себебі бір-бірін күтіп уақыт жағынан ұтылып қалуы мүмкін.
Бірінші кезең нәтижесі финалға әсер етеді ме?
Жоқ. Финалға іріктеу үшінші кезең нәтижесі арқылы жүзеге асады. Яғни бірінші және екінші кезеңде іріктеу болмайды. Тесттен 5 ұпай алсаңыз да екінші, үшінші кезеңге өтесіз. Осының алдыңғы бәйгеде көптеген қатысушылар сайыс жолын 1-тесттен аз ұпай алғандықтан тоқтатқан болатын. Сіз олай жасамаңыз, себебі үшінші кезеңде жүйрік атанып, финалист болуыңыз да ғажап емес. Ондай жағдай бәйгемізде көптеп кездесіп жатыр.
Пәтер ұтысына қалай қатысамыз?
1) “Тұлға болам 2” бәйгесінің 3 кезеңіне де қатысыңыз;
2) әр кезеңнен кем дегенде 30 ұпай жинаңыз. Содан кейін сіз автоматты түрде ұтыс ойынына қатысасыз.
Тест қандай платформада болады? Тестті қайда тапсырамыз?
Тест Google платформасында өтеді. Яғни тест тапсыру үшін міндетті түрде телеграм қосымшасында біздің ресми тобымызға (@tulgabolam) тіркелу керексіз, себебі тест күні сілтеме сол жерге жіберіледі.
Ескерту!
Тест күні телефоныңызға, почтаңызға немесе әлеуметтік желілерде жекеңізге ешқандай хабарлама жіберілмейді.
Тестті тек телефонмен емес басқа да құрылғыларымен тапсыруға болады. Дегенмен телефон арқылы тапсырған абзалрақ.
Тест алдында мәліметтер енгізетін анкета толтырылады, сол жерге номеріңізді мұқият, қатесіз енгізіңіз. Себебі жеңімпаз атансаңыз қайта хабарласуда қиындықтар туындауы мүмкін.
Нәтиже қалай есептелінеді?
Жоғарыда көрсетілген уақыт аралығында ең көп жинаған - алғашқылардан болады. Егер сіздің ұпайыңыз 100-ден 100 болып, бірақ бекітілген уақыттан 1-ақ секунд өтіп кетсеңіз бекітілген уақытта тапсырып, 98 ұпай жинаған адамнан қалып қоясыз. Сондықтан уақытқа аса мән бергеніңіз жөн.
Финал қалай, қайда болады?
Жоспар бойынша финал офлайн өтеді. Дегенмен еліміздегі карантин шарттары өзгерсе бәйгенің де финал шарттары өзгеруі мүмкін. Міндетті түрде алдын ала ескертеміз.
Болатын орны финалистердің шоғырлануына байланысты: егер Алматы қаласында көп болса Алматыда, немесе бірнеше ірі қалаларда, облыс орталықтарында.
Барлық көрсетілген уақыт Нұр-Сұлтан уақытмен!
37.8K viewsedited 13:03