Құрметті бәйге қатысушылары, назарларыңызға 3-кезең және финал | "Тұлға болам" бәйгесі 📚

Құрметті бәйге қатысушылары, назарларыңызға 3-кезең және финалға өту ережелерін ұсынамыз. Мұқият оқып шығып, қосымша сұрақтарыңыз болса Ватсап арқылы төмендегі нөмірлерге жолдасаңыздар болады:
+7-778-262-6262
+7-776-109-7777

3-кезең тесті қаша болады?
10 шілде (июль) Нұр-Сұлтан уақытымен кешкі:
19:00-де 1-7 сынып аралығындағы оқушылар;
20:00-де 8-11 сынып аралығындағы оқушылар:
21:00-де ересек және студенттерге болады.

Үшінші кезеңге кімдер қатыса алады?
Қатысамын деушілердің барлығы.

3-кезең тестіне қанша уақыт беріледі?
Алғашқы кезеңдерде ересектерге 2 минут қосқан болатынбыз, бұл жолы ересектер мен студенттерге бірдей 18 минут беріледі. Қалған топтардың уақыт саны өзгеріссіз (1-3 сынып 26 минут, 4-7 сынып 20 минут, 8-12 сынып 25 минут).

Ересектер мен студенттер тобы екінші кезеңдегідей 6 аймаққа бөлінеді: оңтүстік, Шымкент қаласы, солтүстік, батыс, шығыс, орталық. Шет ел азаматтары өзіне жақын аймақты таңдаса болады.

Ауылдық жерлерде сеть нашар немесе тест тапсыратын парақша қатып қалады, шығып кетеді.
Ол байланыс операторларына және құрылғыны жасаған компанияларға қойылатын сұрақ. Тест тапсыратын кезде мүмкіндігі барынша сеть жақсы жерде болыңыз.

Финалға кімдер өтеді?
Финалға өту үшін:
1) Қатысушы міндетті түрде 3 кезеңнің барлығына қатысуы шарт;
2) 3-кезеңде (үшінші) өз тобында алғашқы 20 адамның қатарында болуы керек (бірінші, екінші кезең ұпайлары финалға өтуге әсер етпейді).

Финалда қандай кітаптан сайысамыз?
Финалда тест сұрақтары 3-кезең (үшінші) кітабынан болады.

Финал қайда өтеді?
Әр топтан алғашқы болған 20 қатысушы Алматы қаласына келіп офлайн тест тапсырады. (Пандемия шарттарына байланысты финал ережелері өзгеруі мүмкін, алдағы уақытта нақтыланады)

Бас жүлделер финалда әр топтан алғашқы болған 10 адамға беріледі.